Wednesday, October 29, 2014

خوش خیالیاں

خوش خیالیاں ________!!!
وہ وقت کیسا عجیب ہوگا جب لوگوں کو معلوم ہوگا کہ عمل کے نام پر جو کچھ وہ دنیا میں کرتے رہے وہ بے عملی کی بد ترین شکل تھی،
انکا اصلی کمال یہ تھا کہ وہ کمزوروں کا لحاظ کریں، لیکن وہ طاقت وروں کا استقبال کرتے رہے،
انکے لئے زیادہ بہتر یہ تھا کہ معانی کے خاموش سمندر میں غوطہ لگایں، لیکن وہ شور و غل کے ہنگامے کھڑے کرنے میں مصروف رہے،
انکی ترقی کا راز یہ تھا کہ وہ خود اپنا احتساب کرنے والے بنیں، مگر وہ دوسروں کا احتساب کرنے میں مصروف رہے،
آجکی دنیا میں لوگ دوسروں کے ظلم کا اعلان کرنے کے بہادر بنے ہوۓ ہیں،
اسوقت لوگوں کا کیا حال ہوگا حب انکو معلوم ہوگا کہ اصل بہادری یہ تھی کہ وہ خود اپنے ظلم کو جاننے کے بہادر بنیں،
لوگ الفاظ بول کر خود کو بر الزمہ سمجھ رہے ہیں، اسوقت لوگوں کا کیا حال ہوگا جب معلوم ہوگا کہ یہ صرف حقایق تھے جو کسی کو بری الزمہ کر سکتے تھے،
لوگ دوسروں کی غلطیوں کی فہرست مرتب کر رہے ہیں، اسوقت لوگوں کا کیا حال ہوگا جب فرشتے خود انکی غلطیوں کی فہرست انکے سامنے پیش کرینگے،
لوگ زندگی کو اصل مسئلہ سمجھ رہے ہیں، اسوقت کیا ہوگا جب معلوم ہوگا کہ انکا اصل مسئلہ موت تھی نہ کہ دنیا کی چند روزہ زندگی،
لوگ استقبال کرنے والوں کی بھیڑ پا کر اپنے کو خوش قسمت سمجھ رہے ہیں، اسوقت لوگوں کا کیا حال ہوگا جب انکو معلوم ہوگا کہ خوش قسمت صرف وہ تھا جسکے استقبال کیلئے الله اور اسکے فرشتے اسکا انتظار کر رہے تھے،
ہر آدمی نے اپنی خوش خیالیوں کی ایک دنیا بنا رکھی ہے، اور اپنے آپکو اسکے اندر پا کر مطمین ہے، مگر قیامت ایسے تمام گھروندوں کو توڑ دیگی!،
سمجھدار وہ ہے جو اس دن کے آنے سے پہلے اس دن کی تیاری کرلے!

7 comments:

Ahmed Khaleel said...

اللہ ہدایت دے ہم سب کو اور ہمیں اپنے گریبان میں جھانکنے کی ہمت ہو تو ہمیں چلے کہ ہم تو خود کو دھوکہ دے رہے ہیں

Nida said...

اللہ رحم کرے ہم سب پر، ہم سب اسی کٹیگری میں آتے ہیں
جو تهوڑی بہت کمائ کی بهی ہے وہ انہی کرتوں کی نظر کر بیٹهے ہیں :(

NUMAN ZAHID said...

بہت عمدہ تحریر۔۔۔ چند جملوں میں ایک اہم مضمون کو سمو دیا۔۔۔ اللہ ہم سب کو اپنی غلطیوں کی فہرست بنانے کی ہمت اور طاقت دے۔۔۔

اناالحق Anaulhaq said...


جزاک الله


ایک اہم موضوع پر متاثر کن تحریر

Hummad Ali said...

اللہ ہم سب کو ہدایت دے
اور اپنی اصلاح، اپنے احکامات کی روشنی میں، کی توفیق دے

Suleman Hasan said...

SubhanAllah - may Allah bless you for reminding this important lesson.

Aslam Faheem said...

اقترب للناس حسابهم وهم في غفلة معرضون